Mae Gwasanaethau Genomeg Feddygol Cymru Gyfan yn wasanaeth iechyd rhanbarthol arbenigol y GIG i helpu a chefnogi cleifion yng Nghymru sydd â chyflyrau genetig, a allai fod mewn perygl o ddatblygu cyflwr genetig neu sy’n pryderu am eu hanes teuluol. Mae'r tîm clinigol yn cynnwys meddygon genetig clinigol, cynghorwyr genetig, cydlynwyr hanes teulu a staff gweinyddol, sy'n gweithio'n agos gyda Labordy Genomeg Cymru Gyfan. Maent hefyd yn gweithio gyda thimau clinigol a gwasanaethau arbenigol o Fyrddau Iechyd ac Ymddiriedolaethau ledled Cymru, gan gynnwys gofal sylfaenol, i sicrhau bod ein cleifion yn cael gofal a chymorth o ansawdd uchel. Mae meddygon geneteg glinigol a chynghorwyr genetig yn chwarae rhan ganolog yn addysg a hyfforddiant staff gofal iechyd anarbenigol am genomeg ac ymgorffori profion genomeg i lwybrau gofal cleifion prif ffrwd.
Rydym yn cynnig cyngor, gwybodaeth a chymorth i bobl sy’n byw yng Nghymru sydd â chwestiynau am eu hiechyd neu eu hanes teuluol. Eu helpu i ddeall y posibilrwydd o anhwylder genetig yn eu teulu a beth mae hyn yn ei olygu neu'n gallu ei olygu iddyn nhw a'u perthnasau.
Weithiau gall diagnosis o gyflyrau genetig fod yn broses gymhleth ac yn aml mae'n cynnwys profion genetig. Mae staff Gwasanaeth Genomeg Feddygol Cymru Gyfan yn cefnogi cleifion drwy'r broses, i'w helpu nhw a'u tîm gofal iechyd ehangach i ddeall goblygiadau ymchwiliadau genetig a chanlyniadau profion. Mae Gwasanaeth Genomeg Feddygol Cymru Gyfan yn rhan o’r GIG ac nid yw’n codi tâl ar gleifion i ddefnyddio ein gwasanaethau.
Yn gynyddol yn y blynyddoedd diwethaf, mae profion genetig wedi cael eu defnyddio i helpu i arwain triniaeth cleifion. Gelwir hyn yn 'Feddyginiaeth Fanwl' neu 'Feddyginiaeth Bersonol'. Mae hyn i'w weld yn fwyaf cyffredin mewn cyflyrau canser, ond mae'n faes meddygaeth sy'n tyfu'n gyflym.
Pwy sy'n cael ei gyfeirio at Wasanaeth Genomeg Feddygol Cymru Gyfan?
Efallai y byddwch chi neu’ch perthynas yn cael eich cyfeirio at Wasanaeth Genomeg Feddygol Cymru Gyfan am amrywiaeth o resymau, gan gynnwys:
|
|
Efallai y byddwch am wybod am eich siawns o etifeddu neu drosglwyddo cyflwr genetig y gwyddys eisoes ei fod yn bresennol yn eich teulu.Cyplau sydd wedi colli babi yn ystod beichiogrwydd neu fabandod ifanc ac sydd â chwestiynau ynghylch pam y digwyddodd hyn, ac am y risg y bydd yn digwydd eto yn y dyfodol.Ar gyfer rhai cyflyrau genetig mae profion ar gael yn ystod beichiogrwydd, ac efallai y bydd rhai pobl am drafod y rhain.Weithiau gall plentyn â phroblemau dysgu gael ei atgyfeirio oherwydd bod ei feddyg yn meddwl y gallai fod â chyflwr genetig.Efallai eich bod yn pryderu y gallai eich teulu fod mewn mwy o berygl o gael rhai clefydau penodol, megis canser. |
