Nod Gwasanaeth Genomeg Feddygol Cymru Gyfan, mewn partneriaeth â’r Gwasanaeth Anemias Etifeddol a’r Labordai Haemoglobinopathi sydd wedi’u lleoli ledled Cymru, yw darparu gwasanaeth sgrinio, cwnsela a chymorth i bobl a theuluoedd sydd mewn perygl o gario haemoglobinopathi neu sydd ag anhwylder haemoglobinopathi.

Pwy ydym ni?

Mae gan Wasanaeth Genomeg Feddygol Cymru Gyfan ganolfannau clinig yn Ne-ddwyrain, De-orllewin a Gogledd Cymru i ddarparu gwasanaeth teg ar draws Cymru gyfan. Mae ein tîm yn cynnwys Cwnselwyr Genetig, Genetegwyr Clinigol, Gwyddonwyr Clinigol a staff o'r labordai Haemoglobinopathi.

Beth rydym yn ei gynnig?

- Gwybodaeth am oblygiadau bod yn gludwr ar gyfer amrywiad haemoglobin.
- Gwybodaeth am gael eich effeithio gan anhwylder haemoglobin.
- Opsiynau sydd ar gael i gyplau sydd â mwy o siawns o gael plentyn ag anhwylder haemoglobin cyn ac yn ystod beichiogrwydd.
- Profion genetig lle bo'n briodol.

Beth allai eich apwyntiad ei gynnwys:

- Cymryd coeden deulu i nodi pa berthnasau eraill a allai fod yn gludwyr hefyd.
- Discussing the type of haemoglobin disorder that it can cause.
- Trafod y math o anhwylder haemoglobin y gall ei achosi.
- Trafod y siawns y bydd plentyn yn cael ei effeithio.
- Trafod yr opsiynau sydd ar gael ar gyfer cyplau sydd ill dau yn gludwyr.

Os teimlwch y byddech yn elwa o apwyntiad, gallwch drafod atgyfeiriad gyda'ch meddyg teulu. Os ydych yn feichiog gallwch drafod atgyfeiriad brys i'r gwasanaeth gyda'ch bydwraig.

Gweler y taflenni gwybodaeth cleifion canlynol isod:

	Alpha Thalassaemia
	Glucose 6 Phosphate Dehydrogenase(G6PD) Deficiency